જાપાન સાયન્સ એન્ડ ટેકનોલોજી ડીપાર્ટમેન્ટ દ્વારા ચાલતા શકુરા સાયન્સ એક્સ્ચેંજ પ્રોગ્રામ અંતર્ગત સમગ્ર ગુજરાતમાંથી 6 વિદ્યાર્થીઓની જાપાનની  7 દિવસીય શૈક્ષણિક મુલાકાત માટે પસંદગી કરવામાં આવી હતી જેમાં અમારી મોડેલ સ્કૂલ માધાપર, કચ્છ - ભુજ ની ધોરણ 11 સાયન્સમાં અભ્યાસ કરતી વિદ્યાર્થિની ચારણ કોમલ અરવિંદભાઈની પસંદગી થઈ હતી. 

ધોરણ 12 સાયન્સમાં અભ્યાસ કરતી વિદ્યાર્થિની જગાણી માનસી વિસાભાઈ ને ધોરણ 12 સાયન્સની બોર્ડની પરીક્ષામાં ગુજરાત બોર્ડમાં ટોપ 1% વિદ્યાર્થીઓમાં સમાવેશ થતાં GSHSEB દ્વારા INSPIRE ઍવોર્ડ એનાયત કરવામાં આવ્યો જે અંતર્ગત તેણી આવતા 5 વર્ષોમાં કુલ 4,00,000 ( ચાર લાખ ) ની શિષ્યવૃત્તિ મેળવશે.

તારીખ 13 જાન્યુઆરી 2024 ના રોજ મોડેલ સ્કૂલ માધાપર ખાતે ખેલ મહોત્સવ 2024 નું આયોજન કરવામાં આવ્યું હતું. આ ખેલ મહોત્સવમાં 17 કરતાં પણ વધારે રમતો રમાડવામાં આવી હતી અને 100 કરતાં પણ વધારે વિદ્યાર્થીઓએ તેમાં ભાગ લઈ આ ઉત્સવને આનંદપૂર્વક માણ્યો.